Qattiq jismlar va ular asosida tayyorlanayotgan asboblar va qurilmalar xalq xo`jaligida va turmushda keng qo`llanilmoqda. Hozirgi energiya tanqisligi davrida quyosh energiyasini elektr energiyasiga aylantirishda ishlatiladigan yarim o`tkazgichli kremniy elementlarining foydali ish koefitsientini oshirish dolzarb masala bo`lib qolmoqda. Yarim o`tkazgichli elementlarning elektrofizik, mexanik va shunga o`xshash xususiyatlari kata energiyali zarralar (proton, neytron, elektron va h.k) ta’sirida o`zgaradi. Bu o`zgarishlarni fundamental fizik asoslari to`la – to`kis yechilmagani sababli, qattiq jismlardan tayyorlangan asboblarni xususiyatlarini nurlanish ta’sirida o`zgarishini oldindan bashorat qilish muammoligicha qolmoqda.