Mamlakatimiz qishloq xo`jaligini yanada taraqqiy ettirishda asosiy e`tibor agrar sohada islohotlarni chuqurlashtirish, fermer xujaliklarining ishlab chiqarish va boshqarish jarayonlarida bozor tamoyillarini to`la qaror toptirish asosida qishloq aholisining turmush darajasini keskin oshirishga qaratilmoqda.
Qishloq xo`jaligida iqtisodiy isloxotlarni yana chuqurlashtirish, qishloqda ishlab chiqarish munosabatlarini takomillashtirish, qishloq xo`jalik ishlab chiqarishini boshqarishning bozor tamoyillariga mos keladigan tashkiliy tuzilmasini tadbiq etish, qishloq xujalik maxsulotlari ishlab chiqaruvchilarning mustaqilligini kengaytirish hamda ularning ishonchli xukukiy muxofazasini ta`minlash maqsadida 2005 yil Prezidentimizning «Qishloq xo`jaligida islohotlarni chuqurlashtirishning eng muxim yo`nalishlari to`g`risida»gi Farmoni e`lon qilindi. Ushbu Farmonda respublikada fermer xo`jaligini rivojlantirish — ustuvor yo`nalish sifatida belgilangan.