Noyob lirik shoir, benazir nosir va atoqli olim sifatida dong taratgan Oybek XX asr o`zbek adabiyotining iftixori dir. Binobarin, mazkur adabiyot taraqqiyotini uning ijodisiz tasavvur qilib bo`lmaydi. Oybekning kamalakdek tovlanuvchi, serjilo va qudratli she`riyatini, purviqor va hikmatli nasrini million-million kitobxonlar sevib o`qiyapti. Adibning «Qutlug`qon», «Navoiy» kabi shoh asarlari oltmishdan ortiq xorijiy tillarga tarjima etilgan.