Иқтисодиётни модернизациялаш шароитида тижорат банклари капиталлашиш даражаси оширилишини давлат томонидан молиявий қўллаб-қувватлаш Ўзбекистон Республикаси Инқирозга қарши чоралар дастурининг муҳим йўналишларидан бири ҳисобланади. Тижорат банклари капиталлашиш даражаси оширилишининг мамлакат иқтисодиётини модернизациялашдаги роли масаласига Ўзбекистон Республикаси Президенти И.А.Каримов қуйидагича баҳо бериб ўтадилар: “...биз нафақат корхоналар томонидан инвестиция лойиҳаларини амалга оширишни жадаллаштиришни, балки бундан тижорат банклари қанчалик манфаатдор экани ва улар бу лойиҳаларда ўз кредит ресурслари билан нечоғли иштирок этаётганини ҳам кўзда тутамиз. Бунинг учун тижорат банклари етарли капиталга эга, молиявий барқарор бўлиши лозим, бир сўз билан айтганда, улар йирик инвестиция институтларига айланиши даркор.