Туркийшунослик ва ўзбек тилшунослиги морфем-морфологик сатҳ бўйича акад. А.Н.Кононов, Н.А.Баскаков, Э.В.Севортян, А.Ғ.Ғуломов, С.Усмонов, А.П.Хожиев, Ш.У.Рахматуллаев каби олимлар томонидан бажарилган йирик /фундаментал/ тадқиқотларга эга. Мазкур тадқиқотларда ана шу сатҳга хос асосий бирликлар-ўзбек ва қўшимчалар, сўз туркумлари ва уларга тегишли грамматик-функционал категориялар атрофлича ўрганилган. Шу билан бирга, умумий тилшунослик асримизнинг 70-йилларидан кейин катта ютуқларга эришди.