Qo`llanmada yig`ish chizmalarini o`qish va detallashtirishga oid topshiriqlarni bajarish hamda nazorat savollariga javob tayyorlash jarayonida konstruktorlik hujjatlari va ularni to`ldirish, chizma chizish nazariy asoslari, aksonometrik proyeksiyalar, buyumning tasviri, rezbali detallar va ularning birikmalari, detallar eskizini va ish chizmasini tuzish kabi ma’lumotlar yoritilgan. Qo`llanma kasb-hunar kollejlari o`quvchilari uchun mo`ljallangan bo`lsa-da, undan oliy o`quv yurtlari talabalari va ilmiy xodimlar ham foydalanishlari mumkin.

Mazkur o`quv qo`llanma O`zbekistpn Respublikasi o`rta maxsus, kasb-hunar ta’limi Markazi tomonidan tasdiqlangan o`quv dasturiga asosan yozilgan. Qo`llanmada oq-qora va rangli televideniyening fizik asoslari, televizion eshittirish tizimlari, uzatuvchi va qabul qiluvchi televizion trubkalar, oq-qora va rangli telefizorlarning struktura sxemalari va ularning kaskad, blok-sxemalari, modullarining tuzilishi hamda vazifalari bayon etilgan. Shuningdek, televizion priyomniklardan foydalanish va ularni ta’mirlash usullari ham bayon etilgan.

Ushbu o`quv qo`llanmada televideniyening kashf etilishi, tarixi va nazariyasining asosiy yo`nalishlari hamda rejissorning ishlash jarayoniga, ijodiy guruhning har birining vazifalariga, ishlash uslublariga alohida to`xtalib o`tilgan. O`quv qo`llanmada qator mavzular kino san’ati va televizion ko`rsatuv yaratuvchi ijodiy xodimlarga bag`ishlangan. Qolaversa, televizion janrlarning har biriga alohida to`xtalib o`tilgan. Ushbu o`quv qo`llanma san’at sohasida mutaxassislar tayyorlaydigan kollej talabalari uchun moljallangan bo`lib, undan televideniye va kino san’ati sohasiga qiziquvchi kitobxonlar ham foydalanishlari mumkin.

Ushbu tasviriy va me’morchilik san’ati tarixi o`quv qo`llanmasi o`rta maxsus kasb-hunar ta’limining rassomlik kollejlari uchun mo`ljallangan. Unda ibtidoiy davrlardan boshlab to shu kungacha tasviriy san’at va me’morchilikda jahon ijodiyotida mavjud eng sara ijodkorlar va ular ijodiga mansub yodgorliklar haqida so`z boradi. Mislsiz daholar yaratgan asarlar badiiy jihatdan saralangan bo`lib, ularni tahlil etish orqali har bir davr va hududda san’atning shakllanishi va o`ziga xos xususiyatlarini aniqlashga yordam beradi.

O`quv qo`llanmada Yer kurrasi, atmosfera, gidrosferaning kelib chiqishi va rivojlanishi, kontinental va okean po`stlarining hosil bo`lishi va evolutsiyasi haqida zamonaviy tushunchalar bayon qilingan. Stratigrafiya, paleogeografiya va paleotektonika usullari yoritilgan, geologik o`tmishdagi landshaftlar va organik dunyo qayta tiklangan, Yer sferalari evolutsiyasi ko`rib chiqilgan. Arxey va proterozoy eonlari venddan boshlab barcha davrlarning to`liq tavsifi keltirilgan.

Iqtisodiyotni modernizatsiyalashtirish sharoitida kichik biznes va xususiy tadbirkorlikni rivojlantirish va uning asosida aholi, ayniqsa, yoshlarning ish bilan bandligini ta’minlash, ularning mehnat qilish huquqlarini amalga oshirishlari va iqtisodiy mustaqillikka erishishlari uchun qulay shart-sharoitlarni yaratish, ishlab chiqarish kuchlarini joylashtirish va yangi ish o`rinlarini yaratish, ishga joylashishga ko`maklashishni tashkil etish, kasbga tayyorlash va yo`naltirish tizimini joriy etish hamda kadrlar malakasini oshirish va qayta tayyorlash amalga oshirilayotgan ijtimoiy-iqtisodiy islohotlarning dolzarb masalalaridan biri hisoblanadi.

Darslikda stomatologik kasalliklarning kelib chiqish sabablari, klinik belgilari, zamonaviy tekshirish usullari, davolash va oldini olish chora-tadbirlari atrof licha yoritilgan va rasmlar bilan boyitilgan. Darslikka OITV infeksiyasining oldini olish va og`iz bo`shlig`ida kasallikning namoyon bo`lish belgilari haqida to`liq ma’lumot berilgan. Darslik tibbiyot kollejlarining «Stomatologiya» yo`nalishi o`quvchilari va faoliyat yuritayotgan tish texniklari uchun mo`ljallangan. Darslikni tayyorlashda ko`pgina stomatologiya yo`nalishi adabiyotlaridan, internet tarmog`i ma’lumotlaridan foydalanilgan.

O`quv qo`llanma rеspublikamizdagi mavjud o`rta maxsus, kasb-hunar ta’limi tizimidagi akadеmik litsеy, kasb-hunar kollеjlari uchun Davlat ta’lim standartlari dasturi asosida tayyorlandi. Ushbu kitob statistikaning ikki bo`limini o`z ichiga oladi. 1-bo`limda «Statistikaning umumiy nazariyasi», 2-bo`limda «Iqtisodiy statistika» mavzulari yoritilgan. Shuningdеk, o`quvchilar mavzularni yanada mustaqil, chuqurroq o`rganishlarini ta’minlash maqsadida tеst topshiriqlari va mustaqil o`zini o`zi tеkshirib ko`rish uchun savollar to`plami kiritilgan.

Soch turmaklash san’ati» fanidan ushbu qo`llanmada soch turmagi badiiy jarayoni alohida san’at turi sifatida ko`rib chiqiladi. Soch turmagini modellashtirish va uning badiiy bezagi hamda kompozitsiyasini yaratish, shuningdek, shaklini hosil qilish ishlari nazariy jihatdan ko`zdan kechirilib, amaliy tavsiyalar bilan boyitilgan. Ushbu qo`llanma muallif tomonidan yozilgan «Grim» qo`llanmasining bevosita davomi hisoblanadi, sababi badiiy soch turmagi ham grim kabi badiiy obraz yaratishga xizmat qiladi. Ushbu kitob barcha san’at sohasi bilan qiziquvchilar, amaliyotchi sartarosh-stilistlar uchun mo`ljallangan.

Ushbu o`quv qo`llanma «Yerusti transport tizimi» yo`nalishining «Avtomobillarni yig`ish va sinash bo`yicha texnik-mexanik» kasbi bo`yicha mutaxassislarni tayyorlashda foydalanish uchun mo`ljallangan. O`quv qo`llanmada metall kesuvchi stanoklarning umumiy klassifikatsiyasi, asosiy metall kesuvchi stanoklarning konstruktiv tuzilishi, kinematik sxemalari, ishlov berish sxemalari, qo`llaniladigan moslamalar va kesuvchi asboblar, kesuvchi asboblarning materiallari ko`rib chiqilgan

Solfedjio – musiqiy ta’lim tizimidagi asosiy fanlardan bo`lib, o`qituvchilarning musiqiy qobiliyatini rivojlantirishda kuyni tinglashga o`rgatish, uni his etish va tushunishlarida yordam beradi. Solfedjio fanida musiqa nazariyasi, garmoniya, polifoniya va musiqiy asarlar tahlili kabi nazariy fanlar amaliy o`zlashtiriladi.

O`quv qo`llanmada sinoptik va kosmik meteorologiyaning asosiy bo`limlari aks ettirilgan. Kitobda sinoptik va kosmik meteorologiya fanining nazariy savollari, sinoptik tahlilning asosiy amaliy usullari bayon qilingan. Sinoptik va kosmik meteorologiya fanlarining o`zaro bog`lanishiga katta e’tibor qaratilgan. Yer meteorologik sun’iy yo`ldoshlari tizimi to`g`risida ma’lumotlar keltirilgan.

Inson dunyoga kelibdiki, fikrlash, muloqot qilish, o`zida tug`ilgan qandaydir yangi fikr va mulohaza yoki kashfiyotlar paydo bo`lsa, uni boshqalarga tezda yetkazish va kelasi avlodga qoldirish niyatida bo`ladi. Ibtidoiy davrda insonlar birinchi bo`lib juda oddiy, sodda bo`lgan ma’lumotlarni har xil tasviriy shakllarni qoya toshlarga chizish orqali, o`zida bor barcha ma’lumotni tasvirlash bilan chizib qoldirishgan.

O`quv qo`llanma kasb-hunar kollejlari o`quvchilariga «Periferiya va ofis qurilma larini ta’mirlash va ishlatish» fanidan 200 soatga mo`ljallangan bo`lib, shaxsiy kom pyuterlarning turlari, modellari va tavsiflari, tizimli platani tanlash va o`rnatish, qattiq disk, audio jihozlar, axborotni aks ettiruvchi tizimlar, tarmoq adapterini o`rnatish va sozlash, kompyuterni ishga tayyorlash, shaxsiy kompyuterlarni takomillashtirish va elektr ta’minoti buzilishlaridan himoya qiluvchi qurilmalarga bag`ishlangan boblarni o`z ichiga olgan.

Selluloza tabiatda keng tarqalgan tabiiy polimerdir. U barcha o`simliklar tarkibida mavjud. Selluloza olish uchun xomashyoning asosini daraxt, bir yillik o`simliklar va paxta tozalash korxonalari chiqindilari paxta momig`i (lint) hisoblanadi. O`rmonga boy mamlakatlar daraxtdan, o`rmoni kam bo`lgan mamlakatlar esa bir yillik o`simliklar poyasidan va paxta tozalash korxonalari chiqindilaridan foydalanishadi.

Mazkur o`quv qo`llanma kasb-hunar kollejlari o`quvchilari uchun tuzilgan bo`lib, tasviriy san’atning yetakchi bo`g`ini hisoblangan «Rangtasvir» fani bo`yicha nazariy va amaliy bilimlarni kengroq berishni o`z oldiga maqsad qilib qo`ygan. Qo`llanmadagi mashg`ulot mavzulari xalqimiz milliy xususiyatlarini hisobga olgan holda tuzilgan

Har bir sohada bo`lgani kabi, tibbiyot sohasida ham chuqur islohotlar amalga oshirilmoqda. Hozirgi vaqtda otorinolaringologiya fani rivojlanib bormoqda. Otorinola- ringologiya amaliyotida operatsion mikroskopdan foydalanish, quloq-tomoq mikrojarrohligida qo`lga kiritilgan yutuqlar yordamida, a’zolar funksiyasini tiklash bilan shug`ul- lanuvchi jarrohlik imkoniyatlari yanada oshib bormoqda.

Eramizdan 8–7 ming yil oldin eng sodda payvandlash usullari mavjud edi. Asosan mis buyumlar payvandlanar edi, uni oldindan qizdirib so`ng bosim bilan payvandlanar edi. Mis, bronza, qo`rg`oshin xususiyatli metallardan buyumlar tayyorlashda, o`ziga xos quyma payvand bilan bajarilar edi. Birikadigan detallar qoliplanib, qizdirilar edi va tutashadigan joyiga oldindan tayyorlangan erigan metall quyilar edi.

Ushbu darslikda Respublikamiz tuproq-iqlim sharoitiga moslangan qishloq xo`jaligi mashinalarining asosiy turlari, jumladan, yerni ekin ekishga tayyorlash mashinalari, g`alla kombayni, kartoshka kavlash, paxta terish, don tozalash va boshqa mashinalarining umumiy tuzilishi, sozlanishi hamda texnologik jarayoni asoslari bayon qilingan. Shu bilan birga, amaliy mashg`ulotlarni o`tkazish yuzasidan tavsiyalar hamda o`quvchilarning har bir bob yuzasidan olgan bilimlarini tekshirish uchun namunaviy test topshiriqlari havola qilingan.

Mazkur kitob chorvachilik tarmoqlarida ishlovchi mutaxassislar, xo`jalik boshliqlari, oziq tayyorlash sexlari, omixta yem tayyorlash kombinatlari mutaxassislari, qishloq xo`jalik kollejlari, institutlari, boshqa sohadagi oliy o`quv yurtlarining qishloq xo`jalik fakultetlarida ta’lim olayotgan talabalar uchun darslik sifatida yozildi.