ГАРМОНИЯЛАШ — бир овозли куйни ҳамоҳанг аккорд (кўптовушлик) лар билан бойитиш, кўп овозли мусиқавий ижод тури, гармония ўқув фанида кенг қўлланилаётган машклардан. Ўзга муаллифлар (айниқса, халқ) куйларини Гармониялаш композитордан юксак дид ва маҳорат талаб этади. Миллий композиторлик мактабларининг юзага келишида ҳам Гармониялаш муҳим босқич вазифасини ўтайди. Германияда — И. С. Бах, Л. Бетховен; Россияда — М. Балакирев, Н. Римскийкорсаков, А. Лядов; Венгрияда — Б. Барток; Польшада — К. Шимановский; Украинада — Н. Лисенко; Арманистонда — Комитас; Қозоғистонда — Е. Брусиловский; Ўзбекистонда — В. Успенский, Г. Мушель, М. Бурҳоновлар бу соҳада ўзига хос анъана яратганлар.
Ад.: Кон Ю., Некоторые вопросы ладового строения ўзбекской народной песни и её гармонизации, Т., 1979.