ГАЛЬВАНИ (Galvani) Луиджи (1737.9.9 – Болонья – 1798.4.12) итальян анатоми ва физиологи. Электр ҳақидаги таълимот асосчиларидан бири, экспериментал электрофизиология асосчиси. Мускулларнинг қисқаришидаги электр ҳодисасини биринчи бўлиб тадқиқ қилган ва металлар электролит билан туташганда потенциаллар фарқи ҳосил бўлишини пайқаган. Шу сабабли электр токининг кимёвий манбаи унинг шарафига Гальваник элементлар деб номланган.