ФЕМИНИЗАЦИЯ (лот. femina — аёл, урғочи) — эркак организмда иккиламчи жинсий белгиларнинг ривожланиши. Феминизация — гормонал мувозанатнинг бузилиши; одамлар, баликлар, сувда ва қуруқликда яшовчилар, қушлар, сут эмизувчиларда кузатилган. Феминизацияни бичилган (қ. Ахталаш) эркак ҳайвонларга тухумдонни кучириб ўтказиш ёки урғочи жинсий гормон (эстероген) таъсир эттириб, сунъий пайдо қилиш мумкин. Мас, бичилган хўрозга тухумдон кўчириб ўтказилганида унда товукдар учун хос бўлган патлар, тож, жинсий хаттиҳаракатлар пайдо булади. Бичилган эркак сут эмизувчилар (каламушлар, маймунлар ва б.)да кўчириб ўтказилган тухумдон ёки эстероген таъсирида сут безлари ривожланади; урғочилар учун хос бўлган жинсий инстинктлар пайдо бўлади.