ЭРСТЕД Ханс Кристиан (1777. 14.8, Рудкёбинг 1851.9.3, Копенгаген) — даниялик физик, Дания Қироллик жамияти котиби (1815 йилдан). Копенгаген ун-тини тугатган (1797), шу ун-т проф. (1806 йилдан) ва Копенгаген политехника мактабининг директори (1929 йилдан). Илмий ишлари электр, акустика, молекуляр физика соҳаларига оид. 1820 йилда Эрстеднинг электр токининг магнит милига таъсирини аниқлашга доир иши физиканинг янги соҳаси — электромагнетизмнинг юзага келишига сабаб бўлди. Термоэлектр эффектни қайта кашф қилган (Ж. Фурье билан), биринчи термоэлементни ясаган. Магнит майдон кучланганлиги бирлиги — эрстед унинг номи билан аталади.