ДУНБУЛОҚ — Қирғизистоннинг Ўш вилоятидаги қад. турар жой харобаси (Ўзгандан 5 км шим. да, Ясси дарёсининг чап соҳилида). Майд. 30×270 м. Ички қўрғонининг майд. 90×50 м. Уч томони хандақ билан ўралган, тўртинчи томони жар. Археологик қазишлар натижасида Дунбулоқнинг қалин маданий қатлами (10 м атрофида) очилган. У 3 босқичдан иборат. Биринчиси мил. ав. 3—1-а. ларга оид, ундан чизиқли оч қизил нақш солинган кулолчилик буюмлари топилган; иккинчиси милоднинг дастлабки асрларига оид; унда сопол идишлар билан бирга бўртма нақш солинган идишлар, ёрғучоқ, идиш бўягич ҳамда тош ва суяқцан ишланган зеб-зийнат буюмлари кўп учрайди; учинчиси 6 — 8-а. ларга оид; бу босқичда қўлда ясалган ва чизиқли, қабариқ ва кунгурали нақшлар солинган идишлар тарқалган. Дунбулоқ ёдгорликлари Фарғона водийси қабилаларининг антик ва илк ўрта даврларига оид деҳқончилик маданиятини аниклашга ёрдам беради.