ДОЛУХАНОВА Зара (Зарци Агасьевна; 1918.15.3, Москва) — опера ва асосан камер йўналишдаги арман хонандаси (меццо-сопрано). Арманистон (1952) ва Россия (1956) халқ артисти. Ереван опера ва балет театри (1939 — 40), Бутуниттифоқ радио ва телевидениеси (1944 й. дан), Москва филармониясида (1959 й. дан) яккахон хонанда. Ниҳоятда кенг диапазонли овоз соҳибаси. Мукаммал вокал техника, нозик дид ва мусиқий ифодавийлик, ўзига хос талқин Д. ижросига хос. Европа, Америка ва Осиё мамлакатларида (жумладан, Ўзбекистонда ҳам) бир неча марта гастролда бўлган.