ДНЕПРОПЕТРОВСК (1926 й. гача Ека-теринослав) — Украинадаги шаҳар, Днепропетровск вилояти маркази. Днепр дарёсидаги порт. Т. й. тугуни. Аҳолиси 1134 минг киши (1997). Қора металлургия (2 та металлургия з-ди, 2 та қувур прокати зди ва б.), машинасозлик зди, оғир пресс и. ч. бирлашмалари, кон-шахта, металлургия жиҳозлари, станоксозлик, электровозеозлик, комбайн з-длари, радиозавод ва б., кимё (пластмасса, шина и. ч.), кокс кимёси, курилиш материаллари, енгил, озиқ-овқат саноати корхоналари бор. Украина ФА нинг илмий маркази, 9 олий ўқув юрти (жумладан 2 ун-т), 5 театр (опера ва балет театри ва б.), 3 музей (шу жумладан бадиий ва тарихий музейлар) мавжуд. Днепропетровскга 1776 й. асос солинган. Потёмкин саройи (ҳоз. Талаба саройи, 18-а. охири), Преображенский кафедрали собор (19-а.) сақланган.