ДИФЕНИЛАМИН (C6H5) 2NH – иккиламчи ароматик амин, ёруғлик таъсирида қораядиган рангсиз кристалл модда. Мол. м. 169,23; зичлиги 1160 кг/м3. Қайнаш т-раси 302°, суюқланиш т-раси 54°. Совуқ сувда эримайди; эфир, метил спирт, бензол, лигроин ва б. органик эритувчиларда эрийди. Анилинни анилин гидрохлорид билан автоклавда 300°да НС1, А1С13, NH4BF4 иштирокида қиздириб ва б. усуллар билан олинади. Нитритлар ва нитратлар иштирокида оксидлаб, кўк рангли бирикмалар ҳрсил қилинади. Индикатор сифатида қўлланилади. Дифениламин — полимерлар учун ан-тиоксидантлар и. ч. да бошланғич маҳсулот бўлиб, целлюлоза нитратларининг иссиқ ва атмосфера шароитига бардошли стабилизатори, азобўёқлар синтезида оралиқ маҳсулот, юмшоқ пўлатни занглашдан сақловчи ингибитор, шунингдек, аналитик кимёда NO2, NO3, С1О3 ва б. оксидловчиларни аниқлашда индикатор сифатида қўлланилади.