БАНДЗЕЛАДЗЕ Нодар Амбросьевич

БАНДЗЕЛАДЗЕ Нодар Амбросьевич (1937.10.11, Грузия) — ҳайкалтарош, Ўзбекистонда хизмат кўрсатган санъат арбоби (1987). Тбилиси БА да таълим олган (1958— 63). 1963 й. дан Самарқандда. Ижодини металлга зарб бериб, бўртма тасвирлар ишлаш билан бошлаган («Самарқандлик рассом аёл», 1964), гипс, тошдан ҳайкаллар ҳам ишлаган: «Насриддинни тингламоқдалар» (баббит, 1975); «Сув кедди» (гипс), «Оналик» (тош), «Уйқудаги бола» (тош) — ҳаммаси 1980; хирург, проф. Зокиров портрета (бронза, 1980), «Эгизаклар» (тош, 1983), «Миршарапов от устида» (мис, 1984), «Мотам» (тош, 1984) ва б. Ҳамза номидаги Ўзбекистон Давлат мукофоти лауреати (1977).