АЮПОВ Абдулла Толипович (1923.10.1, Тошкент) — файласуф олим. Ўзбекистонда хизмат кўрсатган фан арбоби (1980), проф. (1983). 1941-45-й. лардаги уруш қатнашчиси. Ўрта Осиё давлат ун-ти тарих ф-тини тугатган (1949). Ун-тда ўқитувчи (1952 — 55), доцент (1955 й. дан). ТошДУ (ҳоз. ЎзМУ) гуманитар ф-тлар фалсафа кафедрасининг мудири (1962—92), кафедра проф. (1992 й. дан). А. ТошДУ фалсафа бўлими, кейин ф-тини ташкил этишда бошчилик қилган. Илмий асарлари фалсафа тарихи, баркамол инсонни тарбиялаш, маънавиятни шакллантириш масалаларига оид. Фалсафа фани бўйича дарслик, ўқув қўлланма ва дастурлари нашр этилган.