АЦЕТОСИРКА ЭФИР — ацетосирка кислотанинг этил эфири, этилацетоацетат. Мол. м. 118,14, хушбўй ҳидли рангсиз суюқпик. Қайнаш т-раси 180,8°, зичлиги 1028 кг/м3. Сувда (14,3% 16,5° да), этанолда, эфирда эрийди. Оддий Ацетосирка эфир (иккала шакл аралашмаси) бир вақтда кетон ва еноль хоссаларини намоён қилади. У кетон сифатида цианид кислота ёки натрий бисульфатни бириктириб олади. Еноль сифатида темир хлорид таъсирида бинафша рангга киради, бром эритмасини рангсизлантиради. Саноатда этилацетатга металл ҳоддаги натрийни таъсир эттириб олинади (Клайзен конденсацияси). Ацетосирка эфир амидопирин, антипирин, акрихин, В, витамин ва б. дориларни синтез қилишда, бўёқ и. ч. да, шунингдек озиқовқат саноатида ишлатилади.