АТМОСФЕРАНИНГ ИССИҚЛИК БАЛАНСИ — атмосферага келган ва ундан чиққан иссиқлик тенглиги. Атмосферанинг нурланиш баланси R, атмосферада сув буғлари конденсатланиши туфайли ажралиб чиққан иссиқлик hr (h — конденсация яширин иссиқлиғи, г — ёғинлар йиғиндиси), ер сиртидан турбулент алмашинув натижасида атмосферага берилган иссиқлик Р, ҳавонинг горизонтал йўналишда кўчиши (адвекция) туфайли келган иссиқлик оқими (А) А. и. б. ни ташкил қилади. Иссиқликнинг адвектив кўчиши одатда эк-ватордан қутбларга қараб йўналган бўлади, шунинг учун бу жараён туфайли юқори кенгликлардаги ҳаво иссиқлик олади, қуйи кенгликларда эса иссиқлик йўқотади. Атмосфера циркуляцияси ва океан циркуляцияси туфайли ҳаво т-раси узлуксиз равишда қуйи кенгликларда пасаймайди, юқори кенгликларда кўтарилмайди, яъни иссиқликнинг адвектив кўчиши натижасида мувозанатлашиб туради. Шунга кўра бутун атмосферанинг ўртача йиллик т-раси турғун бўлади.