АНГЛИЯ-АМЕРИКА УРУШИ (1812 – 14) — бир томондан, Англиянинг АҚШ савдоси ва иқтисодиётини барбод қилишга интилиши ва иккинчи томондан, АҚШнинг ўз ерларини кенгайтириш, Канадани босиб олиш йўлидаги интилишлари оқибатида вужудга келди. 1812 й. 18 июнда АҚШ Англияга уруш эълон қилди. Халқаро вазиятнинг қулай келганлигига қарамай, АҚШ Канадага бостириб кира олмади. АҚШ қўшинлари Эри кўли (1813 й. сент.), Шамплейн кўли (1814 й. сент.) ва б. да ғалаба қозондилар. Бироқ, Англия АҚШ қирғоғини қамал қилди ва 1814 й. 24 июлда аскар тушириб, Вашингтонни эгаллади ва кўп қисмига ўт қўйди (1814 й. авг.). Уруш давомида америкаликларнинг ҳарбий ҳаракатлари айланиб кетди. 1814 й. 24 дек. да Гент шартномаси имзоланди. Бу шартно-ма урушдан олдинги вазиятни тиклади.