АЛЕКСАНДРИЯ УРУШИ (мил ав. 48-47) — Юлий Цезарь қўмондонлиги остидаги Рим легионларинининг Миср давлати билан уруши. Жанг ҳаракатлари асосан Александрия ш. атрофида содир бўлган. Помпеи кетидан Мисрга келган Цезарь Клеопатра ва унинг укаси Птолемей Дионис ўртасидаги сулолавий курашга аралашиб, Клеопатрага ёрдам берган. Нил бўйидаги жангда (48 й.) римликлар ғалаба қозонганлар. Клеопатра Миср тахтини эгаллаган. Александрия уруши Мисрни Римга тобе этиш учун курашда муҳим босқич бўлган.