БОЛЬЯЙ (Бойаи) Янош [1802.15.12, Коложвар (Клуж) — 1860. 27.1, Марошвашархей (ТиргуМуреш] — венгер математиги. Ноэвклид геометрия ғояларига мустақил равишда келган. Талабалик йилларидаёқ, параллел чизиқлар ҳақидаги постулатни исботлаш б-н шуғуллана бошлаган, кейинчалик ҳам бу ишларини давом эттирган. Больяй ўз тадқиқотларини тартибга солиб, 1832 й. да «Аппендикс» асарини нашр қилдирди. Бу асар энг мукаммал математик асарлар жумласига киради. Больяй ишлари тириклига чоғида тан олинмади, бу ҳол унинг руҳиятига салбий таъсир қилди.