БОЙМУРОДОВ Аҳмад (1943.3.5, Бухоро) — Ўзбекистон Республикаси халқ устаси (1999), меъмор. УстаОчил Бобомуродов билан бирга ишлаб, ундан қад. меъморий обидаларни таъмирлаш сирларини ўрганган. Уста Ширин Муродов номидаги Бухоро махсус илмий таъмирлаш и. ч. корхонасида устамеъмор. 1980—2000-й. ларда Боймуродов етакчи мутахассис сифатида Абулқосим мадрасаси (Тошкент), Улуғбек мадрасаси (Бухоро), Баҳоуддин Нақшбанд мажмуаси, Чор Бакр меъморий мажмуаси, Бухоро намозгоҳи, Сайфиддин Баҳорзий мақбараси каби меъморий обидаларни таъмирлашга катта ҳисса қўшган.