ARIBOFLAVINOZ

ARIBOFLAVINOZ — ovqat tarkibida riboflavin (vitamin V2) boʻlmasligi yoki yetishmasligi, shuningdek organizmda shu vitamin hazmi yoki oʻzlashtirilishi buzilishi oqibatida yuzaga keladigan kasallik. Asosan lab shilliq pardasi va yuz terisi zararlanadi: ogʻiz burchaklari qizarib, yorilib (bichilib) yaralanadi; angulyar stomatit, xeylit, glossit, keyinchalik terida seboreyali yoki bullyoz dermatitlar, konyunktivit, gipoxrom anemiya, nerv sistemasida jiddiy oʻzgarishlar roʻy beradi. Orqa chiqaruv yoʻli va jinsiy aʼzolar sohasida yoriqlar paydo boʻladi.