АСАД Ҳафиз (1930.6.10, Латакия вилояти, Кардаха ш. —2000.10.6, Дамашқ) — Суриянинг давлат ва сиёсат арбоби, армия генерали (1968). Деҳқон оиласида туғилган. 1955 й. Халаб ш. даги Ҳарбий-ҳаво кучлари коллежини тугатган. 1964 — 70 й. ларда Сурия Араб Республикаси (CAP) Ҳарбий-ҳаво кучлари ва ҳаво ҳужумидан мудофаа қўшинлари қўмондони, айни пайтда 1966 й. дан мудофаа вазири. 1970 й. нояб. дан САР бош вазири ва мудофаа вазири. 1971 й. дан САР президенти ва Араб социалистик уйғониш партияси бош котиби. Айни вақтда 1972 й. мартдан САР Прогрессив миллий фронти раиси.