ЖЎЖИ УЛУСИ — Чингизхон томонидан 1224 й. қилинган тақсимга кўра Жўжихон ва унинг хонадонига меросий бўлиб теккан ер мулки. Унга Иртиш дарёсидан Уралга қадар ва ундан Ғарбга томон «мўғул отлари туёғи етгунга қадар» бўлган ерлар кирган; Жанубда Жўжи улуси Чиғатой улуси билан чегарадош бўлган. Шим. Хоразм, Амударё ва Сирдарёнинг қуйи этаклари ҳам Жўжи улусига тобе бўлган. Жўжихоннинг қароргоҳи Иртиш дарёси водийсида бўлган. Ботухоннинг Шарқий Европага қилган истилочилик юришлари натижасида Жўжи улуси жуда улкан ҳудудни қамраб олган ва у 13-а. ўрталарига келиб Мўғуллар давлатида амалда мустақил бўлган (яна қ. Олтин Ўрда).