ЖОНГЛЁРЛИК (лот. joculator — қизиқчи) — цирк санъати жанри. Маҳаллий халқларнинг урф-одатлари билан боғлиқ равишда ривож топган. Кичик саҳна томошалари кўрсатишдан ташқари ҳикоячилик, хонандалик, соз чалиш, фокус кўрсатиш ва б. билан шуғулланилган. Ижрочи (жонглёр) турли буюмлар (3 тадан ортиқ) ни маълум маромда отиб, илиб олиб ўйнайди ва ҳ. к. Ж. кўп жиҳатдан балансирлик (мувозанат сақлаш), эквилибристика, акробатика, масхарабозликка қўшилиб кетади. Миср, Юнонистон, Рим ва Марказий Осиёда қадимдан маълум бўлган. Ўзбек циркида кўза ўйин, лаган ўйин, ликоб ўйин, пичоқ ўйин, Ҳалқа ўйин ва б. қадимдан мавжул. Ўзбек санъаткорлари бу ўйинларни кўпинча рақс б-н кўрсатадилар. Қодир Ғуломнинг туя устидаги акробатик томошаларида, Ф. Шарифбоев ва б. ижодида (мае, «Лаган ўйин») Ж. элементлари кўп бўлган. Гардишга пиёла, косаларни пирамида шаклида тахлаб қўл билан айлантириш (мае, Абдуллаев, Бухоро), катта хумларни бошда, орқада кўтариб пичоқлар билан мураккаб машқларни бажариш каби Жонглёрлик дастурлари миллий халқ циркида ривож топган.