ЖИНОЯТ ПРОЦЕССУАЛ ҲУҚУҚИ — ҲУҚУҚ тармоғи; жиноят ишини тергов қилиш ва ҳал қилишда суд, прокуратура, тергов ва суриштирув органларининг фаолиятини, уларнинг бу борада фуқаролар ва муассасалар билан муносабатини ҳамда айбланувчи, жабрланувчи, айбловчи, ҳимоячи ва б. процесс иштирокчиларининг ҳуқуқ ва бурчларини белгилайдиган ҳуқуқий нормалар йиғиндиси. Ўзбекистoн Республикасининг Жиноят процессуал ҳуқуқи демократик принципларга ва qoнунийликка асосланган бўлиб, вазифаси жиноятларни тез ва тўла очиш, айбдорни фош этиш, жиноят қилган ҳар бир шахсга одилона жазо бериш ва ҳеч кимни айбcиз жиноий жавобгарликка тортмасликни таъминлашдан иборат. Суд, прокуратура, тергов ва суриштирув органлари ҳамда процесснинг бошқа иштирокчилари фақат қонунда кўрсатилган ваколат доирасида ҳаракат қиладилар. Жиноят процессуал ҳуқуқи Ўзбекистон Республикасининг ЖПК ва бошқа қонун актларида ифодаланган.