АКУСТИК ҚАРШИЛИК, акустик импеданс — акустик тизимлар тебранишларини ўрганиш мақсадида киритилувчи комплекс қаршилик. Акустик қаршилик товуш босимининг зарра (қайтарувчи сиртга тик йўналишда ҳаракатланаётган зарра) тезлигига нисбати билан аниқланади. Бу физик катталик электротехникада учрайдиган импеданс (тўла қаршилик) тушунчаси каби актив Ra ва реактив Хп А. қ. умумий йигиндисидан иборат. Тизимдаги ишкаланишлар ва атрофга нурланадиган акустик энергия туфайли актив акустик каршилик, инерция кучлари (массалар) ёки эластик кучлар реакцияси таъсирида реактив Акустик қаршилик ҳосил бўлади.