ГУГУРТТОҒ ОЛТИНГУГУРТ КОНИ (туркманча — Гюгуртдағ) — Туркманистоннинг жан.-шарқидаги кон, Кўҳитанг тоғининг ғарбий этагида, Амударёдан шим. роқда, Мукри (Туркманистон) т. й. станцияси яқинида жойлашади. Коннинг олтингугурт захираси дастлаб 1928—30 й. ларда аниқланган. 1950-й. ларда Гугурттоғ олтингугурт конида йирик туз кони (калий ва ош тузлари) разведка қилинди. Айни пайтда Гугурттоғ олтингугурт конидан соф олтингугурт ва калий тузи олинмоқда. Гугурттоғ олтингугурт кони олтингугурт конининг ҳосил бўлиши тўғрисида олимлар ўртасида турли фикрлар мавжуд. Конда олтингугурт юқори юра даврида денгиз остида анаэроб (кислородсиз) муҳитда олтингугурт ҳосил қилувчи бактериялар ёрдамида пайдо бўлган ёки кимёвий йўл билан оҳактошлар таркибидаги ер ости нефть сувларининг атмосфера сувларига қўшилишидан ҳосил бўлган деган фикрлар бор. Г. о. к. олтингугурт ҳосил бўлиш шароитларига кўра, Украинадаги Рудатский ва АҚШнинг Мексика соҳилларидаги конларга жуда ўхшаш.