ГРЕКОВ Алексей Дмитриевич (1873 — 1957) — микробиолог ва эпидемиолог, Ўзбекистонда хизмат кўрсатган фан ва техника арбоби (1940). Тиббиёт фанлари дри (1935), проф. (1946). Ўрта Осиёда биринчи ўлка бактериология лаб. сини ташкил этган (1918). Лаб. улка бактериология ин-тига айлантирилгач (1921), Эпидемиология ва микробиология ин-ти директори (1921—31), 1938 й. дан умрининг охиригача Тошкент Врачлар малакасини ошириш ин-ти микробиология кафедрасининг мудири. Греков Эрон (1912) ва Ўрта Осиёда (1924—28) улат (тоун) эпидемиясини тугатишда, чет элдан ўлат ўтишининг олдини олиш тадбирларини кўришда фаол қатнашган. Греков ич терлама ва вабога қарши вакцина, чечак детрити и. ч. ташкилотчиларидан.