ГОЛЬДМАН Наум Абрамович (1896.23.7, Киев – 1981.19.2, Тошкент) — дирижёр, педагог. Ўзбекистонда хизмат кўрсатган санъат арбоби (1943). Тошкентдаги рус опера ва балет театрида бош дирижёр (1941—46), На-воий номидаги опера ва балет театрида дирижёр (1943—67), Тошкент консерваториясининг ўқитувчиси (1941 — 81). Репертуаридан чет эл, рус ва Ўзбекистон композиторларининг асарлари ўрин олган. «Иван Сусанин» (М. Глинка, 1942), «Евгений Онегин» (П. Чайковский, 1948), «Тоҳир ва Зуҳра» (Т. Жалилов ва Б. Бровцин, 1949), «Борис Годунов» (М. Мусоргский, 1953, 1965), «Бўронда» (Т. Хренников, 1954), «Улуғбек» (А. Козловский, 1958), «Тоска» (Ж. Пуччини, 1955, 1963) ва б. операларнинг саҳналаштирувчи дирижёри.