ГЛИКОЛ КИСЛОТА (гидроксисирка кислота) , НОСН2СООН – куйдирилган қанд ҳиди келадиган рангсиз кристаллар. Мол. м. 76,05. Суюкданиш т-раси 79—80°. Сув, спирт, эфирда яхши эрийди. Ғўра узум, лавлаги, шакарқамишда бўлади. Нитрид кислотани аминосирка кислота билан ўзаро таъсир эттириш ёки фруктозани оҳиста оксидлаш орқали олинади. Гликол кислота саноатда хлорсирка кислота еки унинг тузларидан, оксалат кислотани электролитик усулда қайтариб, шунингдек, углерод (П)-оксид билан сувни кислотали катализаторлар иштирокида босим остида ўзаро таъсир эттириб олинади. Гликол кислота жун бўяшда, тери ошлашда, пўлат ва мис юзасини электролитик силликлашда қўлланиладиган суюқлик компоненти сифатида ишлатилади.