ГИПОМОРФОЗ (гипо… ва юн. morphe — шакл, кўриниш) — организмлар тузилишининг ривожланмасдан иккиламчи соддалашуви; биологик прогресснинг асосий йўналишларидан бири. Гипоморфоз кўпинча тур аждодлари индивидуал ривожланишидаги сўнгги даврларнинг тушиб қолишида намоён бўлиб, организмнинг бошқа муҳитга ўтиши билан боғлиқ (сувда ва қурукликда яшовчиларнинг қуруқликка чиқиши). Неотения – айрим думли сувда ва қурукликда яшовчилар онтогенезининг личинка даврида тўхтаб, жинсий вояга етган организм сингари кўпайиш хусусиятига эга бўлиши Гипоморфозга мисол бўла олади. Гипоморфоз катаморфозншг хусусий кўринишларидан биридир.