ГИЛЬОМ, Гийом (Guillaume) Шарль Эдуард (1861.15.2, Флерье – 1938.13.6, Париж) — швейцариялик физик ва метролог. Илмий ишлари асосан метрологияга оид. 1883—89 й. ларда чизиқли кенгайиш коэффициентини аниқлашга ва метрнинг платина-иридийли эталонларини бир-бирига солиштиришга оид ишларда катнашган. Гильом 1 кг сувнинг ҳажмини аниқлаган. Аниқ асбобсозлик, метрология ва геодезия соҳаларида катта аҳамиятга эга бўлган инвар типидаги кртишмалар сериясини яратган. Нобель мукофоти лауреати (1920).