ҚЎЛЛАШ БЎЙИЧА ЙЎРИҚНОМА

НЬЮЗОЛЕН

NEWZOLEN

Препаратнинг савдо номи: Ньюзолен

Таъсир этувчи модда (ХПН): золедрон кислотаси

Дори шакли: инфузия учун эритмани тайёрлаш учун лиофилизацияланган кукун.

Таркиби:

фаол модда – 4 мг сувсиз золедрон кислотасига эквивалент бўлган золедрон кислотаси моногидрати;

ёрдамчи моддалар: маннитол, натрий цитрати дигидрати.

Таърифи: оқ ёки бироз сарғиш рангли лиофилизация қилинган масса.

Фармакотерапевтик гуруҳи: Суяк касалликларини даволаш учун препаратлар. Суяклар тузилмаси ва минераллашишига таъсир кўрсатувчи препаратлар. Бисфосфонатлар.

АТХ коди: M05BA08

Фармакологик хусусиятлари

Фармакодинамикаси

Ньюзолен – бисфосфонат, суяк тўқимаси резорбциясининг ингибитори бўлиб, суякка танлаб таъсир этиш хусусиятига эга. Суяк тўқимасининг резорбциясига остеокластлар воситасида ингибиция қилувчи таъсир кўрсатади. Суяк тўқимасига бисфосфонатларнинг селектив таъсири минераллашган суяк тўқимаси билан юқори ўхшашликка асосланган, аммо остеокластлар фаоллигини ингибиция қилинишини таъминловчи аниқ молекуляр механизм ҳозиргача ноаниқ бўлиб қолмоқда. Суяк тўқимасининг резорбциясига ингибиция қилиш таъсиридан ташқари золедрон кислотаси суяк метастазаларида ўсмаларга қарши даволаш самарадорлигини таъминловчи бошқа хусусиятларга эга. In vivo суяк микромуҳитини ўзгартирувчи, ўсма ҳужайралари ўсишини пасайишига олиб келувчи суяк тўқимасининг остеокластик резорбциясини ингибиция қилиниши; антиангиоген фаоллик. Суяк резорбциясини сўндирилиши клиник жиҳатдан оғриқ ҳисларининг яққол пасайиши билан ҳам кечади. In vitro остеобластлар пролиферациясини ингибиция қилиш, тўғридан-тўғри цитотоксик ва проапоптик фаоллик, ўсмаларга қарши препаратлар билан синергик цитотоксик таъсир; антиадгезив/инвазив фаоллик. Пролиферацияни сўндирга ва апоптозни индукция қилган ҳолда золедрон кислотаси одам миеломаси ва кўкрак бези раки ҳужайраларига нисбатан ўсмаларга қарши бевосита таъсир кўрсатади, шунингдек кўкрак бези раки ҳужайраларининг экстрацеллюляр матрикс орқали сингиб ўтишини камайтиради, бу унда метастазаларга қарши хусусиятлар мавжудлиги ҳақида далолат беради. Бундан ташқари золедрон кислотаси одам эндотелийси ҳужайралари пролиферациясини ингибиция қилади ва ҳайвонларда антиангиоген таъсирни келтириб чиқаради. Ўсма келтириб чиқарган гиперкальциемияли пациентларда золедрон кислотасининг таъсири зардобда кальций концентрациясининг пасайиши ва уни сийдик билан чиқарилишининг камайиши билан ифодаланиши кўрсатилган.

Фармакокинетикаси

Инфузия бошланганидан кейин зардобда золедрон кислотасининг концентрацияси инфузия охирига бориб энг юқори миқдорига эришган ҳолда тезда ошади, кейин эса концентрация 4 соат ўтгач 10% га тезда пасаяди ва 24 соат ўтгач 28-кунга такрорий инфузияга қадар бўлган максимал концентрациядан 0,1% дан ошмайдиган паст концентрацияларнинг кетма-кет узайтирилган даври билан 1% дан кам миқдорга пасаяди.

Золедрон кислотасини қон компонентларига ўхшашлиги паст даражада эканлиги кўрсатилган. Плазма оқсиллари билан боғланиши паст (тахминан 50%) бўлади ва золедрон кислотасининг концентрациясига боғлиқ эмас.

Вена ичига юборилган золедрон кислотаси буйраклар орқали 3 босқичда чиқарилади: препаратни тизимли циркуляциядан T_1/2 0,24 соатни ва 1,87 соатни ташкил этадиган икки фазали тезда чиқарилиши ҳамда якуний T_1/2 146 соатни ташкил этадиган узоқ давом этувчи фаза билан чиқарилиши. Ҳар 28 кунда такрорий юборилишларда кумуляция қайд этилмаган. Золедрон кислотаси тизимли метаболизмга учрамайди ва буйраклар орқали ўзгармас кўринишда чиқарилади. Дастлабки 24 соат давомида юборилган дозанинг 39±16% сийдикда аниқланади. Қолган миқдори асосан суяк тўқимаси билан боғланади. Сўнгра секин-аста золедрон кислотасини суяк тўқимасидан тизимли қон оқимига қайта ажратилиши ва уни буйраклар орқали чиқарилиши юз беради. Плазмадаги умумий клиренси 5,04±2,5 л/соатни ташкил этади. Инфузия вақтини 5 минутдан 15 минутга оширилиши инфузия якунида золедрон кислотаси концентрациясини 30% га камайишига олиб келади, аммо AUC га таъсир кўрсатмайди.

Аҳлат билан 3% дан кам чиқарилади. Золедрон кислотасининг буйрак клиренси креатинин клиренси (КК) билан мусбат корреляцияланади.

Қўлланилиши

• суяк шикастланишлари билан кечадиган хавфли ўсмалари бўлган пациентларда суяк тўқимаси билан боғлиқ бўлган симптомларни (патологик суяк синишлари; умуртқа устунининг компрессияси, жарроҳлик аралашувларидан ва нур терапиясидан кейинги асоратлар ёки гиперкальциемия) олдини олишда;
• хавфли ўсма келтириб чиқарадиган гиперкальциемияда қўлланилади.

Қўллаш усули ва дозалари

Инъекциялар учун золедрон кислотаси вена ичига юбориладиган бисфосфонатларни қўллаш тажрибасига эга бўлган шифокорлар томонидан қўлланилиши керак.

Ньюзолен 15 минут давомида вена ичига томчилатиб юборилади. Хавфли ўсмаларда суяк тўқимаси, суякларни шикастланиши билан боғлиқ симптомларни олдини олиш учун катталарга, шу жумладан кекса ёшдаги пациентларга препаратнинг тавсия этиладиган дозаси 4 мг ни ташкил этади. Буюрилиш карралиги – ҳар 3-4 ҳафтада.

Пациентлар шунингдек ҳар куни 500 мг ҳажмда қўшимча кальций препаратларини ва 400 ХБ D витаминини олишлари керак.

Хавфли ўсма келтириб чиқарган гиперкальциемияда (кальций концентрацияси альбумин даражаси бўйича тузатиш киритилган ҳолда ≥12,0 мг/дл ёки 3,0 ммоль/л) катталар, шу жумладан кекса ёшдаги пациентлар учун препаратнинг тавсия этиладиган дозаси 4 мг ни ташкил этади. Пациентнинг фаол гидратациясини таъминлаш учун инфузиядан олдин, у билан параллел равишда ёки ундан кейин физиологик эритмани юбориш тавсия этилади.

Ньюзоленни такрорий юбориш яққол ифодаланган клиник таъсирдан кейин ёмонлашиш юз берганида (яъни зардобда кальций даражаси 2,7 ммоль/л га эришилганида ёки ундан паст бўлганида) ёки биринчи юборилишга рефрактер содир бўлганида ўтказилади. Ньюзоленни биринчи ва такрорий юборилиши ўртасидаги интервал камида бир ҳафта бўлиши керак, чунки ушбу давр тўлиқ клиник таъсир ривожланиши учун зарур. Ньюзолен такроран 8 мг дозада 15 минут давомида юборилади.

Одатда қонда кальций даражасини пасайишига эришилган таъсир 4 мг Ньюзолен юборилганидан кейин 30 кун ичида ва 8 мг Ньюзолен юборилганидан кейин 40 кун ичида давом этади. Препаратни ўсма ва буйрак фаолиятининг бузилиши келтириб чиқарган гиперкальциемияли пациентларда қўлланилганида буйрак фаолиятининг кучсиз ёки ўртача ифодаланган бузилишлари (зардобдаги креатинин даражаси 400 мкмоль/л дан кам ёки
4,5 мг/дл дан кам ёки КК >30 мл/мин) бўлган пациентларда дозалаш режимига тузатиш киритиш зарурати йўқ. Ньюзоленни буйрак фаолияти оғир бузилишлари (КК <30 мл/мин) бўлган пациентларда препаратни етарлича клиник қўллаш тажрибаси йўқлиги муносабати билан ушбу тоифадаги пациентларда қўллаш тавсия этилмайди. Суякларда метастазалари бўлган пациентлар сезиларли бўлмаган ёки ўртача даражадаги буйрак етишмовчилиги мавжуд бўлганида даволашни бошлашдан олдин (КК даражаси минутига 30 дан 60 мл гача) инъекциялар учун золедрон кислотасининг қуйидаги дозаларини буюриш тавсия этилади:

* Дозалар сийдикда 0,66 мг/соат/л, (КК = 75 мл/мин) бўлган ўртача концентрациясининг кутилган даражасидан келиб чиқиб ҳисобланган. Буйрак етишмовчилиги бўлган пациентлар учун дозалар пасайтирилганида креатинин клиренси минутига 75 мл бўлган пациентлардаги каби сийдикда ўртача концентрация даражасига эришилиши кутилади.

Даволаш бошланганидан кейин инъекциялар учун золедрон кислотаси ҳар бир қабул қилинишидан олдин зардобда креатинин даражасини аниқлаш лозим. Буйрак фаолияти ёмонлашганида даволашни тўхтатиш лозим. Буйрак фаолияти ёмонлашишини қуйидаги тарзда аниқланган:

Зардобда креатининни бошланғич даражаси нормал бўлган (<1,4 мг/дл ёки <124 µмоль/л) пациентлар учун ўсиш 0,5 мг/дл ёки 44 µмоль/л.

Зардобда креатининни бошланғич даражаси нормал бўлмаган (>1,4 мг/дл ёки >124 µмоль/л) пациентлар учун ўсиш 1,0 мг/дл ёки 88 µмоль/л.

Инъекциялар учун золедрон кислотаси қўлланилишини фақат креатинин даражаси бошланғич қийматидан 10% доирасига қайтганидан кейин қайта бошлаш мумкин. Препарат айнан даволаниш тўхтатилган вақтдаги дозаларда қўлланилади.

Золедрон кислотасининг пасайтирилган дозасини тайёрлаш бўйича йўриқнома

Концентратнинг зарур бўлган ҳажми қуйида келтирилганларга мувофиқ бўлади:

3,5 мг доза учун 4,4 мл

3,3 мг доза учун 4,1 мл

3,0 мг доза учун 3,8 мл.

Концентратнинг олинган ҳажмини 0,9% натрий хлориди стерил эритмасининг 100 мл да оғирликни ҳажмга нисбатида ёки 5% глюкоза эритмасининг 100 мл да оғирликни ҳажмга нисбатида эритиш лозим. Ҳосил қилинган дозани камида 15 минут давомида вена ичига юборилади.

Золедрон кислотасини педиатрияда қўлланилиши ўрганилмаган. Инъекциялар учун золедрон кислотасини кўпроқ тўлиқ маълумотлардан эркин фойдаланиш мумкин бўлишига қадар мазкур пациентлар тоифасини даволашда қўллаш керак эмас.

Ньюзоленни такроран қўллаш зарурати бўлганида ҳар бир инфузия олдидан зардобдаги креатинин концентрациясини аниқлаш зарур.

Эритмани тайёрлаш ва қўллаш қоидалари

Эритмани асептик шароитларда тайёрлаш зарур. Ньюзоленнинг ҳар бир 4 мг ни 5 мл инъекция учун сувда эритилади. Кукун тўлиқ эриши учун флаконни эҳтиёткорлик билан силкитиш лозим. Агар 8 мг Ньюзоленни сақлайдиган инфузия эритмасини тайёрлаш зарур бўлса, юқорида баён қилинган усул билан 2 та флакон ичидаги моддани 10 мл инъекция учун сувдан фойдаланган ҳолда эритиш лозим. Зарур бўлган дозали (4 мг ёки 8 мг) ҳосил қилинган эритмани 100 мл 0,9% ли натрий хлориди эритмасида ёки 5% ли глюкоза эритмасида суюлтирилади. Кальций ионларини сақлайдиган эритмалардан фойдаланиш мумкин эмас!

Тайёрланган Ньюзолен эритмасидан у тайёрланганидан бевосита кейин фойдаланиш мақсадга мувофиқ. Дарҳол фойдаланилмаган эритмани + 2°C дан 8°C гача ҳароратда 24 соатдан кўп бўлмаган муддатда музлаткичда сақлаш мумкин. Юборилишидан олдин эритмани хона ҳароратига эришилишига қадар ушлаб туриш зарур.

Ньюзолен эритмасини ҳар қандай бошқа дори препаратлари билан аралаштирмаслик керак.

Ньюзолен эритмасини юбориш учун фақат алоҳида инфузиялар учун тизимдан фойдаланиш зарур.

Ножўя таъсирлари

Якка кузатувларга нисбатан кўпроқ рўйхатдан ўтказилган ножўя ҳолатлар уларнинг юзага келиши тез-тезлиги кўрсатилган ҳолда қуйида санаб ўтилган.

Номақбул ҳолатларнинг учраши тез-тезлигини баҳолашнинг «жуда тез-тез» (≥10%); «тез-тез» (≥1% дан <10% гача); «гоҳида» (≥0,1% дан <1% гача); «кам ҳолларда» (≥0,01% дан <0,1% гача); «жуда кам ҳолларда» (0,01% дан кам) каби мезонларидан фойдаланилган.

Жуда тез-тез

• гипофосфатемия.

Тез-тез

• анемия;
• бош оғриғи;
• конъюнктивит;
• анорексия, кўнгил айниши, қусиш;
• суякларда, мушакларда, бўғимларда оғриқлар, турли локализациядаги оғриқлар;
• буйрак фаолиятини бузилиши, буйрак етишмовчилиги;
• препаратга юқори сезувчанлик;
• тана ҳароратини кўтарилиши;
• гриппга ўхшаш синдром (юқори даражада чарчаш, лоҳаслик, иситмали қалтироқ, эт увушиши, суяклар ва/ёки мушакларда оғриқлар);
• қон зардобида креатинин, мочевина даражасини ошиши, гипокальциемия.

Тез-тез эмас

• тромбоцитопения, лейкопения;
• бош айланиши, парестезия, гипестезия, гиперестезия, таъм сезишни бузилиши, титроқ;
• ташвишланиш, уйқуни бузилиши;
• кўришни хиралашиши;
• оғизни қуриши, стоматит, қорин соҳасида оғриқлар, овқат ҳазм қилишни бузилишлари, диарея, қабзият;
• нафас олишни қийинлашиши, йўтал;
• тери қичишиши, тошма (шу жумладан эритематоз, хол-хол тошма), юқори даражада терлаш;
• тиришишлар;
• гипертензия, гипотензия;
• ўткир буйрак етишмовчилиги, гематурия, протеинурия;
• ангионевротик шиш;
• умумий мадорсизлик, периферик шишганлик;
• препарат юборилган жойда реакциялар: оғриқ, терини қизариши, зичланиши, қавариши ва инфильтратни ривожланиши;
• кўкракда оғриқ;
• тана вазнини ошиши;
• гипокалиемия, гипомагниемия.

Гоҳида

• тремор;
• астения.

Кам ҳолларда

• панцитопения;
• онгни хиралашиши;
• брадикардия;
• ангионевротик шиш;
• гиперкалиемия, гипокалиемия, гипернатриемия.

Жуда кам ҳолларда

• увеит, эписклерит.

Препаратни маркетингдан кейинги қўллаш тажрибаси

Бисфосфонатларни қабул қилган хавфли ўсмалари бўлган пациентларда остеонекроз (кўпроқ жағда) ривожланиши ҳоллари кузатилган. Ушбу пациентларнинг кўпчилигида маҳаллий инфекция белгилари, шу жумладан остеомиелит кузатилган. Кузатувларнинг кўпчилиги тишларини олдирган ёки бошқа стоматологик операцияларини бошдан ўтказган пациентларга тааллуқдлидир.

Жуда кам ҳолларда коматоз ҳолатга ва қон томир/юрак етишмовчилигига олиб келган гипотензия, юрак олди бўлмаларининг фибрилляцияси, ярим ҳушсиз ҳолат, бронхостеноз, анафилактик реакция/анафилактик шок, аллергик тошма кузатилган.

Ньюзолен қўлланилганида ножўя таъсирлар одатда кучсиз ифодаланган ва ўтиб кетувчи бўлади; улар бошқа бисфосфонатлар қўлланилганида кузатиладиган таъсирларга ўхшаш бўлади.

Шуни ҳам эътиборга олиш лозимки, ацетилсалицил кислотасига сезувчан бўлган бронхиал астмали пациентларга бошқа бисфосфонатлар буюрилганида бронхоспазм ҳоллари қайд этилган, бироқ Ньюзолен қўлланилганида бундай ҳоллар қайд этилмаган.

Қўллаш мумкин бўлмаган ҳолатлар

• золедрон кислотасига, бошқа бисфосфонатларга юқори сезувчанликда;
• гипокалиемияда;
• ҳомиладорлик ва лактация даврида;
• 18 ёшгача бўлган болаларда ва ўсмирлик даврида қўллаш мумкин эмас.

Дориларнинг ўзаро таъсири

Ньюзолен билан бирга бошқа тез-тез қўлланиладиган дори воситалари (ўсмаларга қарши воситалар, диуретиклар, антибиотиклар, анальгетиклар) бир вақтда буюрилганида ҳар қандай клиник аҳамиятга эга ўзаро таъсирлар қайд этилмаган.

Іn vіtro тадқиқотларида олинган маълумотларга кўра золедрон кислотаси плазма оқсиллари ва P₄₅₀ цитохроми тизими ферментлари билан сезиларли бўлмаган даражада боғланади. Бироқ дориларнинг ўзаро таъсирларини ўрганишга доир махсус клиник тадқиқотлар ўтказилмаган. Бисфосфонатлар ва аминогликозидлар бир вақтда қўлланилганида зардобда кальций даражаси талаб қилинганидан кўра узоқроқ муддат давомида пасайган ҳолда бўлиши мумкин, чунки қон зрдобида кальций концентрациясига ҳар иккала препаратнинг аддитив таъсири бўлиши мумкин. Потенциал равишда нефротоксик таъсирга эга бўлган препаратлар билан бир вақтда қўлланилганида буйрак фаолиятининг ёмонлашиши хавфи ошади.

Гипомагниемия ривожланиши эҳтимолини назарда тутиш лозим.

Фармацевтик ўзаро таъсири

Ньюзоленнинг суюлтирилган эритмасини кальций ионларини сақлайдиган инфузия эритмалари (масалан, Рингер эритмаси) билан аралаштириш мумкин эмас.

Ньюзоленни юбориш учун шиша флаконлар, поливинилхлорид, полиэтилен ва полипропилендан тайёрланган инфузия тизимлари ва турли хил қопчалардан (0,9% ли натрий хлориди ёки 5% ли глюкоза эритмаси билан дастлаб тўлдирилган) фойдаланилганида препарат билан мос келмасликнинг ҳар қандай белгилари аниқланмаган.

Махсус кўрсатмалар

Ньюзолен такроран буюрилган барча пациентларда препаратни ҳар бир юборилишидан олдин қон зардобида креатинин концентрациясини аниқлаш зарур. Агар олинган маълумотлар буйрак фаолияти ёмонлашганидан далолат берса, беморнинг ҳолати баҳоланиши ва препаратни юборишдан келадиган потенциал фойда кутилиши мумкин бўлган хавфдан устун эканлиги ҳақида хулоса қилиниши зарур.

Ньюзолен қўлланилганида қон зардобида креатинин концентрацияси ошиши мумкинлигини, шунингдек буйрак фаолияти оғир бузилишлари (қон зардобида креатинин концентрацияси ≥400 мкмоль/л ёки ≥4,5 мг/дл, КК<35 мл/мин) бўлган беморларда қўлланилишига оид маълумотлар йўқлигини инобатга олган ҳолда препаратни ушбу беморлар контингентига буюриш тавсия этилмайди.

Инфузиядан олдин пациентда дегидратация мавжудлигини истисно этиш зарур. Пациентнинг адекват гидратациясини таъминлаш учун Ньюзолен инфузиясидан олдин, у билан параллел ёки ундан кейин физиологик эритмани юбориш тавсия этилади. Юрак-қон томир тизими томонидан асоратлар юзага келиши хавфи туфайли пациентнинг юқори даражада гидратациясидан тийилиш лозим.

Ньюзолен юборилганидан кейин қон зардобида кальций, фосфор, магний ва креатинин концентрацияси устидан доимий назорат зарур.

Агар гипокальциемия, гипофосфатемия ёки гипомагниемия ривожланса, қисқа муддатли қўллаб-қувватловчи даволаш ўтказилиши зарур.

Бисфосфонатлар қўлланилиши фонида буйрак фаолиятини бузилиши ҳақидаги айрим хабарлар мавжуд. Бундай асоратлар юзага келиши хавфи омилларига анамнезда буйрак етишмовчилиги, препаратни юқори дозаларда (8 мг) узоқ вақт давомида қўлланилиши, инфузия вақтини қисқариши тааллуқли бўлади.

Жағ остеонекрозида

Жағ остеонекрози золедрон кислотасини инъекцияларда қабул қилган хавфли ўсмалари бўлган беморларда кўпроқ кузатилган. Ушбу пациентларнинг кўпчилиги шунингдек кимё терпияси ва кортикостероидларни қабул қилган. Кўпчилик ҳоллар тишларни суғуриб ташлаш каби стоматологик процедуралар билан боғлиқ бўлган. Кўпчилик пациентларда маҳаллий инфекциялар белгилари, жумладан остеомиелит кузатилган. Биргаликда кечадиган хавф омиллари (кимё терапияси, кортикостероидлар, оғиз бўшлиғи гигиенасининг ёмон ҳолатда эканлиги) таъсирига учрайдиган пациентлар бисфосфонатлар билан даволаш бошланишига қадар тегишли стоматологик процедуралар билан бирга стомалогия кўригидан ўтиши зарур.

Пациентларнинг мазкур тоифасини даволаш вақтида, агар бу мумкин бўлса, агрессив стоматология процедураларидан тийилиш лозим. Бисфосфонатларни қўллаш вақтида ривожланган жағ остеонекрози бўлган пациентларда стоматологик операция касалликни оғирлаштириши мумкин. Даволовчи шифокор стоматология процедураларини ўтказиш ҳақида қарор қабул қилаётганида ҳар бир пациент учун алоҳида равишда фойда/хавфни баҳолашга асосланган ҳолда ўз клиник тажрибасига суяниши керак.

Жигар фаолиятининг етишмовчилигида

Жигар фаолиятининг етишмовчилиги бўлган пациентларга тегишли бўлган клиник тадқиқотларнинг маълумотлари чекланган, шу сабабли пациентларнинг мазкур тоифаси бўйича бирор-бир махсус тавсиялар берилиши имкони мавжуд эмас.

Транспорт воситасини бошқариш ёки потенциал хавфли механизмлар билан ишлаш қобилиятига дори воситаси таъсирининг ўзига хос хусусиятлари

Даволаш вақтида автотранспортни бошқаришдан ва юқори диққат-эътиборни ва психомотор реакциялари тезлигини талаб қиладиган бошқа фаолият турларидан тийилиш лозим.

Препаратни болалар ололмайдиган жойда сақлаш ва уни яроқлилик муддати ўтганидан кейин ишлатилмасин.

Дозани ошириб юборилиши

Ньюзолен дозасини ўткир ошириб юборилиши ҳоллари кузатилмаган. Препаратни тавсия этилган дозадан ортиқ бўлган дозаларда қабул қилаётган пациентлар доимий кузатув остида бўлиши керак.

Даволаш: клиник аҳамиятли белгилари намоён бўлган ҳолда гипокальциемия юзага келганида кальций глюконатини инфузияли юбориш буюрилган.

Чиқарилиш шакли

Препарат резина тиқин ва алюмин қопқоқ билан ёпилган 5 мл ҳажмдаги флаконларга жойланади.

Картон қутига тиббиётда қўллаш бўйича йўриқнома билан бирга 1 та флакон жойланган.

Сақлаш шароити

Ёруғликдан ҳимоя қилинган жойда, 25°С дан юқори бўлмаган ҳароратда сақлансин.

Тайёрланган эритмани 2°C дан 8°C гача ҳароратда 24 соат давомида сақланади.

Сақлаш муддати

2 йил.

Дорихоналардан бериш шартлари

Рецепт бўйича.