ҚЎЛЛАШ БЎЙИЧА ЙЎРИҚНОМА

ВАЛТАН

VALTAN

Препаратнинг савдо номи: Валтан

Таъсир этувчи модда (ХПН): валсартан

Дори шакли: плёнка қобиқ билан қопланган таблеткалар

Таркиби:

Плёнка қобиқ билан қопланган бир таблетка қуйидагиларни сақлайди:

фаол модда: валсартан – 80 мг ёки 160 мг;

ёрдамчи моддалар: микрокристалл целлюлоза, натрий кроскармеллозаси,
LS-гидроксипропилцеллюлоза, поливинилпирролидон, натрий крахмал гликоляти, магний стеарати.

Таърифи:

Валтан 80 мг: икки томонлама қавариқ, сариқ рангли, қобиқ билан қопланган таблеткалар.

Валтан 160 мг: икки томонлама қавариқ, оқ рангли, қобиқ билан қопланган таблеткалар.

Фармакотерапевтик гуруҳи: антигипертензив восита (ангиотензин II рецепторларининг антагонисти).

АТХ коди: С09CА03.

Фармакологик хусусиятлари

Ангиотензин II рецепторларининг специфик антагонисти. Ангиотензин II нинг маълум самараларига масъул рецепторларнинг АТ₁ кичик турини танлаб блоклайди. Валсартан томонидан АТ₁-рецепторлари блокланганидан кейин қон плазмасида ангиотензин II даражасини ошиши блокланмаган АТ₂-рецеторларини рағбатлантириши мумкин, бу АТ₁-рецеторининг самарасини мувозанатлайди. Валсартан АТ₁ кичик тур рецепторларига нисбатан яққол агонистик фаолликни намоён қилмайди. Валсартаннинг АТ₁ кичик тури рецепторларига яқинлиги АТ₂ кичик тури рецепторларига нисбатан тахминан 20 000 марта юқори.

Препаратнинг бир марталик дозаси ичга буюрилганидан кейин антигипертензив таъсири 2 соат орасида, максимали 4-6 соат орасида аниқланади ва 24 соатдан кўпроқ сақланади. Препаратни такрорий буюришларда қабул қилинган дозадан қатъий назар АБ ни максимал пасайишига 2-4 ҳафта орасида эришилади ва давомли даволашда эришилган даражада сақлаб турилади.

Препаратни қабул қилишни кескин тўхтатиш бекор қилиш синдромини ривожланиши билан кечмайди. Препарат ангиотензин-айлантирувчи ферментга таъсир қилмайди, брадикининнинг деградацияси юз бермайди ва йўтал пайдо бўлишининг эҳтимоли паст. Валсартан умумий холестерин, сийдик кислотасининг концентрациясига, қон зардобидаги триглицеридлар ва глюкозанинг концентрациясига аҳамиятли таъсир кўрсатмайди.

Валсартанни қўллаш юрак етишмовчилигининг симптомларини камайиши, касалликнинг ривожланишини секинлашиши ва госпитализация ҳолларини камайиши, ҳаёт сифатини яхшиланишига олиб келади.

Ичга қабул қилингандан кейин валсартан МИЙ дан яхши сўрилади. Препаратнинг биокираолишлиги 23% ни ташкил қилади. Валсартан аҳамиятли даражада (94-97%) қон зардоби оқсиллари билан боғланади. Аҳлат билан чиқариладиган валсартаннинг миқдори 70% ни ташкил қилади. Сийдик билан тахминан 30%, асосан ўзгармаган ҳолда чиқарилади.

Қўлланилиши

• гипертонияни даволаш;
• стандарт даволаш, шу жумладан диуретиклар, дигиталис препаратлари, шунингдек ААФ ингибиторлари ёки бета-адреноблокаторлар (бир вақтда эмас) билан даволанаётган сурункали юрак етишмовчилиги (NYHA таснифи бўйича II-IV функционал синф) бўлган беморлар;
• чап қоринча етишмовчилиги ва/ёки чап қоринча систолик дисфункциясининг белгилари, симптомлари ва рентгенологик маълумотлари бўлган клиник турғун пациентларда миокард инфарктидан кейинги ҳолатни яхшилаш учун.

Қўллаш усули ва дозалари

Валтаннинг тавсия қилинган дозаси 80 мг дан ҳар куни суткада 1 мартани ташкил қилади.

Препаратнинг антигипертензив самарасига даволашнинг биринчи 2 ҳафтасида эришилади; максимал самараси 4 ҳафтадан кейин аниқланади. АБ ни адекват пасайишига эришилмаётган пациентларда Валтаннинг дозасини 160 мг гача ошириш ёки қўшимча диуретик воситаларни буюриш мумкин.

Буйрак фаолиятини бузилиши ва жигар етишмовчилиги бўлган пациентларда дозалаш тартибига тузатиш киритиш талаб қилинмайди, агар фақат жигар етишмовчилиги холестаз билан боғлиқ бўлмаса ёки бирга кечмаса, Валтан талаб қилинмайди.

Сурункали юрак етишмовчилигида тавсия қилинган бошланғич доза 40 мг дан ҳар куни суткада 2 мартани ташкил қилади.

Дозани 80 мг дан суткада 2 марта, яхши ўзлаштираолишда – 160 мг дан суткада 2 мартагача ошириш мумкин. Диуретиклар билан бир вақтда қўлланганида дозани камайтириш талаб қилиниши мумкин. Максимал суткалик доза 320 мг дан суткада 2 мартани ташкил қилади.

Ножўя таъсирлари

Аниқланган ножўя таъсирлари кучсиз ва ўткинчи характерга эга, даволашни тўхтатиш кам талаб қилади.

Тез-тез: ортостатик гипотония, бош оғриғи, бош айланиши, юқори нафас йўлларининг вирусли ва бошқа инфекциялари, йўтал, диарея, умумий ҳолсизлик, ринит, синусит, орқада оғриқ, қорин оғриғи, кўнгил айниши, фарингит, артралгия, нейтропения.

Кам ҳолларда: аллергик реакциялар, васкулит, астения, гиперкалиемия, уйқусизлик, либидони пасайиши.

Жуда кам ҳолларда: тромбоцитопения, буйрак фаолиятини бузилиши, ўткир буйрак етишмовчилиги, миалгия, ангионевротик шиш, тошмалар, қичишиш, қусиш, юрак етишмовчилиги.

Қўллаш мумкин бўлмаган ҳолатлар

• препаратнинг компонентларига юқори сезувчанлик;
• ҳомиладорлик ва эмизиш даври;

Валтанни жигарнинг билиар циррози, ўт йўлларининг ўтказмаслиги, буйрак етишмовчилиги (КК минутига 10 мл дан кам), гипонатриемия, буйрак артерияларининг стенози бўлган пациентларга эҳтиёткорлик билан буюриш керак.

Дориларнинг ўзаро таъсири

Валтанни бошқа дори воситалари билан ўзаро таъсири ҳозиргача аниқланмаган. Қуйидаги препаратлар билан ўзаро таъсири ўрганилган: циметидин, варфарин, фуросемид, дигоксин, атенолол, индометацин, гидрохлортиазид, амлодипин ва глибенкламид.

Валтан қандай бўлмасин аҳамиятли метаболизмга учрамаслиги туфайли, унинг учун бошқа дори воситалари – цитохром Р₄₅₀ тизимининг индукторлари ёки ингибиторлари билан клиник аҳамиятли ўзаро таъсирининг эҳтимоли кам.

Калий тежовчи диуретиклар (масалан, спиронолактон, триамтерен, амилорид), калий препаратлари ёки калий сақловчи тузлар билан бир вақтда қўллаш, қон зардобида калийнинг концентрациясини ошишига олиб келиши мумкин.

Юрак етишмовчилиги бўлган пациентларга Валтан ААФ ингибиторлари ва бета-адреноблокаторлар билан мажмуада эҳтиёткорлик билан буюрилади.

Махсус кўрсатмалар

Организмда натрий ва/ёки айланаётган қон ҳажмини (АҚҲ) яққол танқислиги, масалан, диуретикларни катта дозаларда қабул қилаётганларда, айрим ҳолларда даволашни бошида симптоматик гипотензия юзага келиши мумкин. Даволашни бошлашдан аввал организмда натрий ва/ёки АҚҲ нинг миқдорини, масалан диуретикнинг дозасини камайтириш йўли билан тўғрилаш керак. Гипотензия ривожланган ҳолда пациентни ётқизиш ва зарурати бўлганида в/и инфузияни ўтказиш керак. АБ турғунлашганидан кейин Валтан билан даволашни давом эттириш мумкин.

Буйрак фаолиятини бузилиши бўлган пациентларда препаратнинг дозасига тузатиш талаб қилинмайди. Аммо яққол бузилишларда (КК<10 мл/мин ни ташкил қилганида) Валтанни буюришда эҳтиёткорликка риоя қилиш тавсия қилинади. Икки томонлама ёки бир томонлама буйрак артерияларининг стенози бўлган пациентларда эҳтиёткорлик чораси сифатида, креатинин ва мочевинанинг миқдорини мунтазам назорат қилиш тавсия қилинади.

Жигар етишмовчилиги бўлган пациентларда препаратнинг дозасига тузатиш киритиш талаб қилинмайди. Ўт йўлларининг обструкцияси бўлган пациентларда валсартаннинг клиренси пасайган. Бу пациентларга валсартанни буюришда алоҳида эҳтиёткорликка риоя қилиш керак.

Юрак етишмовчилиги бўлган ёки инфарктдан кейинги ҳолатда бўлган, Валтанни одатдаги дозаларда қабул қилаётган пациентларда АБ ни аҳамиятсиз пасайиши кузатилади, аммо препаратни қабул қилишни тўхтатиш талаб қилинмайди. Буйраклар фаолияти ренин-ангиотензин-альдостерон тизими фаоллигига боғлиқ оғир юрак етишмовчилиги бўлган пациентларни Валтан билан даволаш, олигоурия ва/ёки азотемия, кам ҳолларда – ўткир буйрак етишмовчилиги билан кечиши мумкин. Юрак етишмовчилиги ёки инфарктдан кейинги ҳолатдаги пациентларнинг ҳолатини баҳолаш, ҳар доим буйрак фаолиятини баҳолашни ўз ичига олиши керак.

18 ёшгача бўлган пациенларда препаратни қўллашнинг хавфсизлиги ва самарадорлиги аниқланмаган.

Ҳомиладорлик ва эмизиш даври

Препаратни ҳомиладорлик даврида қўллаш мумкин эмас. Агарда Валтан билан даволаш даврида ҳомиладорлик аниқланса, препаратни иложи борича тезроқ бекор қилиш керак. Валтанни эмизиш даврида қўллаш тавсия қилинмайди.

Автотранспортни ҳайдаш ва механизмларни бошқариш қобилиятига таъсири

Валтанни буюришда автомобилни ҳайдаш ва механизмларни бошқаришда эҳтиёткорликка риоя қилиш тавсия қилинади.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Симптомлари: яққол гипотония, онгни бузилиши, коллапс ва/ёки шок.

Даволаш: қусишни чақириш (агарда препарат яқинда қабул қилинган бўлса). Гипотензияда – физиологик эритмани в/и юбориш. Гемодиализнинг самарали бўлишини эҳтимоли кам.

Чиқарилиш шакли

Плёнка қобиқ билан қопланган таблеткалар 80 мг ёки 160 мг дан; 30 таблеткадан ўрамда.

Сақлаш шароити

30^оС дан юқори бўлмаган ҳароратда, қуруқ, ёруғликдан ҳимояланган жойда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича